(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 208

॥ శ్రీః ॥
1.208. అధ్యాయః 208
(అథ వైవాహికపర్వ ॥ 13 ॥)
Mahabharata - Adi Parva - Chapter Topics
ధృష్టద్యుంనవార్తాం శ్రుతవతా ద్రుపదేన తత్వవివిత్సయా పాండవాన్ప్రతి పురోహితప్రేషణం॥ 1 ॥
Mahabharata - Adi Parva - Chapter Text

వైశంపాయన ఉవాచ। 1-208-0x(1152)(9160)
తతస్తథోక్తః పరిహృష్టరూపః
పిత్రే శశంసాథ స రాజపుత్రః।
ధృష్టద్యుంనః సోమకానాం ప్రబర్హో
వృత్తం యథా యేన హృతా చ కృష్ణా॥ 1-208-1(9161)
ధృష్టద్యుంన ఉవాచ। 1-208-2x(1153)
యోఽసౌ యువా వ్యాయతలోహితాక్షః
కృష్ణాజినీ దేవసమానరూపః।
యః కార్ముకాగ్ర్యం కృతవానధిజ్యం
లక్షం చ యః పాతితవాన్పృథివ్యాం॥ 1-208-2(9162)
అసజ్జమానశ్చ తతస్తరస్వీ
వృతో ద్విజాగ్ర్యైరభిపూజ్యమానః।
చక్రామ వజ్రీవ దితేః సుతేషు
సర్వైశ్చ దేవైర్ఋషిభిశ్చ జుష్టః॥ 1-208-3(9163)
కృష్మా ప్రగృహ్యాజినమన్వయాత్తం
నాగం యథా నాగవధూః ప్రహృష్టా।
`శ్యామో యువా వారణమత్తగామీ
కృత్వా మహత్కర్మ సుదుష్కరం తత్॥ 1-208-4(9164)
యః సూతపుత్రేణ చకార యుద్ధం
శంకేఽర్జునం తం త్రిదశేశవీర్యం।'
అమృష్యమాణేషు నరాధిపేషు
క్రుద్ధేషు వై తత్ర సమాపతత్సు॥ 1-208-5(9165)
తతోఽపరః పార్థివసంఘమధ్యే
ప్రవృద్ధమారుజ్య మహీప్రరోహం।
ప్రాకాలయత్తేన స పార్థివౌఘాన్
భీమోఽంతకః ప్రాణభృతో యథైవ॥ 1-208-6(9166)
తౌ పార్థివానాం మిషతాం నరేంద్ర
కృష్ణాముపాదాయ గతౌ నరాగ్ర్యౌ।
`విక్షోభ్య విద్రావ్య చ పార్తివాంస్తా-
న్స్వతేజసా దుష్ప్రతివీక్ష్యరూపౌ।'
విభ్రాజమానావివ చంద్రసూర్యౌ
బాహ్యాం పురాద్భార్గవకర్మశాలాం॥ 1-208-7(9167)
తత్రోపవిష్టార్చిరివానలస్య
తేషాం జనిత్రీతి మమ ప్రతర్కః।
తథావిధైరేవ నరప్రవీరై-
రుపోపవిష్టైస్త్రిబిరగ్నికల్పైః॥ 1-208-8(9168)
తస్యాస్తతస్తావభివాద్య పాదా-
వుక్త్వా చ కృష్ణామభివాదయేతి।
స్థితౌ చ తత్రైవ నివేద్య కృష్ణాం
భిక్షాప్రచారాయ గతా నరాగ్ర్యాః॥ 1-208-9(9169)
తేషాం తు భైక్షం ప్రతిగృహ్య కృష్ణా
దత్వా బలిం బ్రాహ్మణసాచ్చ కృత్వా।
తాం చైవ వృద్ధాం పరివేష్య తాంశ్చ
నరప్రవీరాన్స్వయమప్యభుంక్త॥ 1-208-10(9170)
సుప్తాస్తు తే పార్థివ సర్వ ఏవ
కృష్ణా చ తేషాం చరణోపధానే।
ఆసీత్పృథివ్యాం శయనం చ తేషాం
దర్భాజినాగ్రాస్తరణోపపన్నం॥ 1-208-11(9171)
తే నర్దమానా ఇవ కాలమేఘాః
కథా విచిత్రాః కథయాంబభూవుః।
న వైశ్యశూద్రౌపయికీః కథాస్తా
న చ ద్విజానాం కథయంతి వీరాః॥ 1-208-12(9172)
నిఃసంశయం క్షత్రియపుంగవాస్తే
యథా హి యుద్ధం కథయంతి రాజన్।
ఆశా హి నో వ్యక్తమియం సమృద్ధా
ముక్తాన్హి పార్థాఞ్శృణుమోఽగ్నిదాహాత్॥ 1-208-13(9173)
యథా హి లక్ష్యం నిహతం ధనుశ్చ
సజ్యం కృతం తేన తథా ప్రసహ్య।
యథా హి భాషంతి పరస్పరం తే
ఛన్నా ధ్రువం తే ప్రచరంతి పార్థాః॥ 1-208015x వైశంపాయన ఉవాచ। 1-208-14(9174)
తతః స రాజా ద్రుపదః ప్రహృష్టః
పురోహితం ప్రేషాయామాస తేషాం।
విద్యామ యుష్మానితి భాషమాణో
మహాత్మానః పాండుసుతాః స్థ కచ్చిత్॥ 1-208-15(9175)
గృహీతవాక్యో నృపతేః పురోధా
గత్వా ప్రశంసామభిధాయ తేషాం।
వాక్యం సమగ్రం నృపతేర్యథావ-
దువాచ చానుక్రమవిక్రమేణ॥ 1-208-16(9176)
విజ్ఞాతుమిచ్ఛత్యవనీశ్వరో వః
పాంచాలరాజో వరదో వరార్హాః।
లక్ష్యస్య వేద్ధారమిమం హి దృష్ట్వా
హర్షస్య నాంతం ప్రతిపద్యతే సః॥ 1-208-17(9177)
ఆఖ్యాత చ జ్ఞాతికులానుపూర్వీ
పదం శిరఃసు ద్విషతాం కురుధ్వం।
ప్రహ్లాదయధ్వం హృదయం మమేదం
పాంచాలరాజస్య చ సానుగస్య॥ 1-208-18(9178)
పాండుర్హి రాజా ద్రుపదస్య రాజ్ఞః
ప్రియః సఖా చాత్మసమో బభూవ।
తస్యైష కామో దుహితా మమేయం
స్నుషా యది స్యాదిహ కౌరవస్య॥ 1-208-19(9179)
అయం హి కామో ద్రుపదస్య రాజ్ఞో
హృది స్థితో నిత్యమనిందితాంగాః।
యదర్జునో వై పృథుదీర్ఘబాహు-
ర్ధర్మేణ విందేత సుతాం మమైతాం॥ 1-208-20(9180)
కృతం హి తత్స్యాత్సుకృతం మమేదం
యశశ్చ పుణ్యం చ హితం తదేతత్।
అథోక్తవాక్యం హి పురోహితం స్థితం
తతో వినీతం సముదీక్ష్య రాజా॥ 1-208-21(9181)
సమీపతో భీమమిదం శశాస
ప్రదీయతాం పాద్యమర్ధ్యం తథాఽస్మై।
మాన్యః పురోధా ద్రుపదస్య రాజ్ఞ-
స్తస్మై ప్రయోజ్యాఽభ్యధికా హి పూజా॥ 1-208-22(9182)
వైశంపాయన ఉవాచ। 1-208-23x(1154)
భీమస్తతస్తత్కృతవాన్నరేంద్ర
తాం చైవ పూజాం ప్రతిగృహ్య హర్షాత్।
సుఖోపవిష్టం తు పురోహితం తదా
యుధిష్ఠిరో బ్రాహ్మణమిత్యువాచ॥ 1-208-23(9183)
పాంచాలరాజేన సుతా నిసృష్టా
స్వధర్మదృష్టేన యథా న కామాత్।
ప్రదిష్టశుంల్కా ద్రుపదేన రాజ్ఞా
సా తేన వీరేణ తథాఽనువృత్తా॥ 1-208-24(9184)
న తత్ర వర్ణేషు కృతా వివక్షా
న చాపి శీలే న కులే న గోత్రే।
కృతేన సజ్యేన హి కార్ముకేణ
విద్ధేన లక్ష్యేణ హి సా విసృష్టా॥ 1-208-25(9185)
సేయం తథాఽనేన మహాత్మనేహ
కృష్ణా జితా పార్థివసంఘమధ్యే।
నైవం గతే సౌమకిరద్య రాజా
సంతాపమర్హత్యసుఖాయ కర్తుం॥ 1-208-26(9186)
కామశ్చ యోఽసౌ ద్రుపదస్య రాజ్ఞః
స చాపి సంపత్స్యతి పార్థివస్య।
సంప్రాప్యరూపాం హి నరేంద్రకన్యా-
మిమామహం బ్రాహ్మణ సాధు మన్యే॥ 1-208-27(9187)
న తద్ధనుర్మందబలేన శక్యం
మౌర్వ్యా సమాయోజయితుం తథాహి।
న చాకృతాస్త్రేణ న హీనజేన
లక్ష్యం తథా పాతయితుం హి శక్యం॥ 1-208-28(9188)
తస్మాన్న తాపం దుహితుర్నిమిత్తం
పాంచాలరాజోఽర్హతి కర్తుమద్య।
న చాపి తత్పాతనమన్యథేహ
కర్తుం హి శక్యం భువి మానవేన॥ 1-208-29(9189)
ఏవం బ్రువత్యేవ యుధిష్ఠిరే తు
పాంచాలరాజస్య సమీపతోఽన్యః।
తత్రాజగామాశు నరో ద్వితీయో
నివేదయిష్యన్నిహ సిద్ధమన్నం॥ ॥ 1-208-30(9190)

ఇతి శ్రీమన్మహాభారతే ఆదిపర్వణి వైవాహికపర్వణి అష్టాధికద్విశతతమోఽధ్యాయః॥ 208 ॥

Mahabharata - Adi Parva - Chapter Footnotes
1-208-27 సంప్రాప్యరూపాసస్మాకం యోగ్యరూపం॥ అష్టాధికద్విశతతమోఽధ్యాయః॥ 208 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.